剛踏入2008，所謂舊年，只係2007聖誕，即幾日前事。
20/12 - 同朋友一齊去尖沙嘴影聖誕燈飾，發現真係一年比一年多人，今年仲多好多人用DSLR，鬼咩，4K幾已經有一部，同靚DC都差唔多價錢。
由於多人，所以好難先搵到好位影相，尤其海港城條樓梯，多人到嘔，擺好腳架都係人撞跌。我首先上海運停車場影維港夜景，度比較少人，都影得唔錯，最正係可以影埋天星碼頭，之後都係沿住海滂個尖東，不過因為影得太多，去到尖東都差唔多11點，影幾張大廈就熄燈，所以尖東影得好少。影完成11點幾，第二日又返早，所以就名散東西呀。
22/12 - 上小芬朋友屋開Party，大家都係玩得之人，所以好好玩，不過因為遲開始(10點左右才上到去)，第二日又要行山，所以12點幾就要走呀。當晚食Pizza黑，仲有剪絞子，全部食都好好味，仲有交換聖誕節物。我抽到迪迪尼拖鞋，不過俾人換走，變朱古力…
23/12 - 雖然病病，但之前約朋友行山，唔想放飛機，所以都照去。原定10點由大澳出發行去東涌，但我遲出門，9:30都仲觀塘，所以去到東涌都10:30左右，入埋大澳就11:30，好彩團友都有等我。
當日天氣好好，原本諗住要追番先前已起行批人，點知邊我出發先，中途仲冇乜點抖過，所以邊我放甩人，用唔使4個鐘就到東涌。日天氣大約20度左右，不過我驚凍襯，所以都冇除過褸，好彩段路易行，冇乜出汗，可以Keep住好爽咁行畢全程。
行完之後，我仲過東湧富東酒樓飲茶，不過食好貴，少點都要$12.8，仲要冇乜Service，下次去番東薈城飲算呀
飲完茶，要趕返出尖嘴參加公司聖誕Buffer。今次呢個聖誕Buffer係我同事自己出錢，因為公司請食個Buffer太廢，有唔好氣氛，所以我自己都想搞番個。今次係笑一年搞，我Book去Royal Garden食，都要4舊幾一位，不過聖誕節豪少少冇乜所謂啦。
個Bufffer好好味，食又不斷Refill，我覺得最正係帶子剌生同牛扒。之後我仲交換禮物，我抽中一個藍牙Handfree，不過因為我自己本身都有一個，所以冇乜用…
24/12 - 平安夜晚同小芳上朋友屋企開Party，今次個Party極之多人，成28個人，應該破晒過往記錄。由於朋友住深井，我決定旺角搭小巴入去。亡命小巴速度果然非常之快，15分鐘左右已經由旺角去到深井，不過車程都非常之貴，要$20位。上到去眾人已經開始玩Wii，之後開餐。大家開餐同過住一樣，好似餓鬼一樣唔使1分鐘就KO兩盤壽司，好彩我都夾少少俾小芳，當晚屋主仲親自整Cake，好有水準呀，味道同Cafe有得比。食完，又玩21點，贏$10咁多啦。最後當然係交換禮物時期啦，當晚我抽到電動牙擦，好實用，不過有朋友抽到禮物就好唔掂，呢班友仔禮物真係好有驚喜…
之後因為小芳有下場，所以我同佢走先，出返尖嘴另一個Party，玩到零晨3:00左右先返屋企。
25/12 - 今日Book房去銀礦灣酒店住返晚，之前因為太遲Book，好多酒店都Full Booking，連自由行酒店都話冇位，好彩都好搵到銀礦灣酒店話有位，不過就好貴。開頭都預設備同食都唔會好得去邊，不過去到又有歡喜。
因為前晚玩到好夜，所以當日下午先起到身，入到大嶼山都4點幾。諗番起都好耐無去過銀礦灣邊，上次應該係04年1月，今次再舊地重遊，發覺都冇乜點變。去到酒店Check In後，上到房，發覺間房都好整齊同乾淨，仲有海景。今次出門我特登準備兩套電影，儲存落部N95度，經AV線駁上電視睇，咁冇乜做時都有得睇下戲，無咁悶啦。我首先睇Sampson The Movie先，套戲幾搞笑呀。睇完就落去食X'mas Dinner，今晚食BBQ Buffer，正如開頭預無乜食，但落到去發覺又幾正呀，有人燒埋俾自己食，而且除BBQ，仲有其他Buffer有食。今餐我都食得好飽，好滿意，食完之後仲出碼頭行陣，買紅酒同零食。返酒店後，一邊睇叛碟3，一邊飲紅酒，都幾寫意。
26/12 - 由於之前一晚早訓，所以朝早起得砌身落酒店食自助早餐，個早餐都唔錯，又食得好飽。12點Check Out後，我去傳聞中銀礦洞出發。我之前都想去銀壙洞睇下，可惜一直都無機會。銀礦洞離酒店唔係好遠，大約25分鐘路程，不過沿路就冇乜指示牌，所以難搵。途經銀礦灣瀑布，咁又一玩青年人度，所以好熱鬧。銀礦灣瀑布再上就係銀礦洞，去到先知原來個洞已經封，俾新渡輪段片呃，洞入面都冇乜睇，所以冇乜停留就走返落碼頭，坐船返屋企呀。
