大澳已經去過好多次，由東涌入大澳亦都試過幾次，但都係坐大嶼山巴士入，其實我一直希望可以由東涌步行去大澳。
星期日見咁好天，仲有少少曬。咁好天氣，無理由浪費了這個星期日，所以決定由東涌行一次去大澳。之前上網搵過些資料，都知道今次路程比較長，要行成4個鐘頭，不過路段大部份都係平路，亦頗多樹陰，所以應該不致行到中暑。
我們2點鐘先由東涌出發，經山過一個小山丘住逸東村，途經一個可望到昂坪360的涼亭，及一個有漁鄉特色的村落。似村個感覺好似西貢一些小漁村咁，但卻被高樓大廈包圍，感覺怪怪的。
經過逸東村，由福逸樓旁邊天橋下的小路可到候王廟，之後步行30分鐘左右到[石散]頭，沿途有些富有中國鄉村特色的建築物，我們於沿路的小徑稍作休息，同時亦可看看對面機場的飛機起飛。
再行了差不多1小時到沙螺灣，這1小時行程有些悶，因為沒有風影，途人也行少，只有一些踩單車的人士經過。當日天氣比較熱，我們於下午出發，所以行這段路比較辛苦。沙螺灣有一個小型公園，但由於實在太熱，加上入面全部都係老人家，所以我們都冇入去休息。
由東涌行了3個多小時，途中可以休息和補給的地方不多，而深屈都算係一個唔錯的補給站。深屈有幾間士多，所謂士多，其實只係一些有得買飲品和坐下休息的地方。我們進了較大的一間，因為入面唔單只有汽水買，仲有公仔麵食。而我，就叫了一個餐蛋麵，講真，水準都算唔錯，又有得望海，好Relax。期間，都見到唔少人會進來休息和進餐。
食飽後有返能量，就繼續行程了。雖然只係仲在1小時多行程，但出發時眼見開始日落，所以要加快步伐。
新州至大澳一段開始是山路，個人認為這段路是今次行程最美的一段，因為可於水平線上望到日落。途中仲有一張「餵蚊椅」供人欣賞日落。
最後，終於都可以於天黑前到達大澳。由於我們已於2個月前來過大澳一次，所以沒有停留，直接坐巴士回東涌了。