九月 2006 - Posts

• The Devil Wears Prada

  上星期去o左睇「The Devile Wears Prada」，比想像中好睇。我諗OL睇呢套戲時會有共鳴，見到6號妹俾阿美蘭姐點到死o下死o下，就好似見到平日自己o向Office，俾老闆點做阿四一樣。 雖然劇情好老土，女主角唔算特別靚，不過戲入面D衫好靚，而套戲個感覺都好Fashion，仲有唔少笑位添。 戲中光頭佬同6號妹講過一段對白都幾發人深醒，好多時打工仔只係識抱怨老闆，但其實自己未盡全力，不過做戲還做戲，如果個老闆好似美蘭姐咁，而份工有唔係好好Pay o既話，應該冇乜人肯做。 整體而言，都算係一部好睇o既戲，當然要多得梅麗史翠普o既演技。 That's all. Posted 九月 28 2006, 11:36 上午 by XexeX with 6 comment(s) Filed under: 電影

• 動搖

  呢一年o黎工作上都唔係咁開心，升職後雖然人工多o左(但仍然好少)，o向公司地位都有少少提升，但負責o既事情亦都多o左。 之前所負責o既o野都好少有關決策上o既事情，但自從升o左職後，真係多o左好多o野要做決定，問題就係，我所做o既決定，好多時都唔係上司希望果套。 可能大家價值觀真係唔同，邊個o岩邊個錯就唔講，我唔認為自己果套係錯，只可以講，我個套同公司果套有出入，而家做緊o既o野亦都唔係我o既強項。眼見某D人整o既o野，對我o黎講只屬於一個Project仔，真係可以兩三o下就搞掂，自己亦都有經驗，但如果信唔過我o既能力，我都無謂出真功夫，去越級做D唔屬於自己工作範圍內o既工作。 自己都鬥爭過，究竟以後o向公司Hea，定Keep住個心搞好手頭上o既工作，都呢一刻我仍然選後者。我唔係要人認同我o既能力，只係對自己有個交代。 我知繼續留o向公司真係冇乜前途，公司亦唔可能俾到D乜o野我，不過起碼做埋手頭上o既o野，先Prison Break，唔想走果時俾到麻煩D同事… Posted 九月 21 2006, 01:22 上午 by XexeX with 2 comment(s)

• 100 things about XexeX

  之前Be o向佢個Blog寫有關我o既o野： 100 things about XexeX 1) 行年廿八的雙魚男 <= 而家已經29了 2) 很容易俾人感動 <= 我都覺 3) 喜歡看愛情電影 (慘情更好) <= 所以鍾意睇韓片 4) 不斷地多愁善感 <= 雙魚座特性 5) 自私 <= 係，某些事情我係屬於自私 6) 好色 <= 我認，冇男人唔好色 7) 行路時兩手"fingfing" <= 間唔中o者 8) 鍾意扮men <= 唔覺自己men 9) 鍾意頹廢look <= 係 10) 鍾意聽歌 <= 我平均每日都聽2個鐘頭音樂 11) 特好輕快情歌 <= 冇特別喜好，好聽就會聽 12) 比一年前肥左少少 (常笑他這是幸福的表現) <= 我都唔想肥 13) 腰上多了一團肉 (不過好舒服) <= 要減肥 14) 鍾意熱情的女人 <= 妳都好熱情呀 15) 油耳 <= 天生 16) 容易出豆豆 <= 夜訓會出得特別厲害 17) 不適合長髮的男人 <= 我都覺 18) d牙漂極都唔白 <= 飲得茶多 19) 腸胃唔好 <= 係 20) 食飽好快要去廁所 <= 而家好o左D 21) 鍾意打機 <= 而家冇咁鍾意 22) 特好足球game <= 都係得一款鍾意玩o者 23) 鍾意睇波 <= 係男人都鍾意o架啦 24) 鍾意打籃球同踢波 <= 係 25) 鍾意十指緊扣多過手拖手 <= 感覺實在好多，兩個人可以貼實D 26) 鍾意長頭髮的女人 <= 係，感覺上有女人味D 27) 鍾意錫錫 <= 妳鍾意過我 28) 耳仔特別敏感 <= 妳都係 29) 耳仔有"墨" <= 有兩粒 30) 比我高少少, 但我覺得很相襯 <= 高妳一寸啦，都OK 31) 很喜歡攬住人 <= 係 32) 很喜歡被人攬住 <= 因為可以好實在咁感到妳o向我身邊 33) 兩隻眼都有三百度以上近視 <= 以前試過500度 @_@ 34) 鍾意用多功能手提 (磚咁大舊) <= 唔怕唔見 35) 近期愛穿恤衫 <= 好似斯文D呀 36) 儘量都不帶袋出街 <= 帶袋好煩，有冇手幫妳"咩"手袋 37) 漫畫狂熱 <= 妳都係 38) 超級揀飲擇食 (兩隻腳唔食...有殼都差不多唔食) <= 係，我認 39) 鍾愛食牛 <= 係 40) 對辣一般 <= 一時時，其實我都食得辣，不過驚爆瘡 41) 鍾意食咸多過甜 <= 我又冇留意 42) 鍾意獨立 <= 係 43) 不會主動找人說心事 <= 而家多o左 44) 多位女性朋友比一位女朋友重要 <= 冇D咁o既事 45) 不善了解別人心意 <= 男人o麻，好難100%了解女人諗咩 46) 喜歡自主又有點依賴的女人 <= 即係點？總之好似妳咁就得呀 47) 頭髮又粗又直又有點厚 <= 頭髮好厚 48) 朱仔 / 瓜子是常用的代名詞 <= 仲有好多名 49) 無人時,愛撒嬌 <= 妳唔鍾意咩 50) 對可愛的人/物/動物沒有免疫力 <= 我有o架 51) 因為我, 特別喜歡貓 <= 係，因為妳鍾意，我都會盡量鍾意 52) 耳仔好易紅 <= 由細到大都係咁 53) "篤"面珠 <= 唔明 54) 有數次拍拖經驗 <= 數次o者 55) 拍拖最長一次有一年半幾零廿幾日 <= 係2年5個月以上 56) 家中獨子 <= 係 57) 每月一半糧俾屋企 <= 係 58) 不煙 <= 從來冇食過一啖，二手煙就成日食 59) 不好酒 <= 而家好少飲 60) 喜歡食好吃的煮家飯 <= 係好吃 61) 給他驚喜, 會甜在心頭 <= 有咩驚喜？ 62) 喜歡二人世界 (但不要太多) <= 當然喜歡啦 63) 無論何時都要有私人空間 <= 男人係咁 64) 會主動遷就別人 <= 唔係，係就妳就得多 65) 常與人比較 <= 少少啦 66) 喜歡旅行 (但很少去) <= 冇錢 67) 28歲有個溫馨的生日 <= 29歲都有 68) 太過自負 <= 我都覺 69) 容易感冒發燒 (不過都好快好) <= 夠訓就唔會 70) 做過小手術 <= 真係好少 71) 手指比較短 (不過很溫暖) <= 係 72) 喜歡影我相 <= 聽聞鍾意一個人，幫佢影D相會靚D，所以我想幫妳影一幅任何人都靚唔過妳o既相 73) 喜歡我開心 / 我笑 <= 當然啦 74) 皮膚有點黑 <= 係 75) 鍾意會打扮的女人 <= 係，我都鍾意妳打扮o下 76) 只有少許明白女人心海底針的道理 <= 係 77) 如果你嗲他, 他會很開心 (有時開心到會攬住你) <= 係咩… 78) 如果你管他, 他會無聲的忍受, 直到他不想忍 <= 所以唔好管我咁多 79) 舒服比愛重要 <= 唔係 80) 容易鬱鬱不歡 <= 係，可能因為我係雙魚座 81) 喜歡安靜冇壓力的空間 <= 係呀！ 82) 覺得我很累人 <= 而家唔係 83) 相信緣份 <= 唉，都唔知信唔信好 84) 他不出聲, 不代表他沒怨言 <= 係 85) 無論他有多好, 他都是會發脾氣的 <= 當然 86) 鍾意身材均勻的女人 <= 唔好太肥有肚腩就得呀 87) 正在讀書 <= 係 88) 胡思亂想時,卻以為自己很感性 <= 係咩…多謝提醒 89) 只知道他為我哭過一次, 其他..他沒說 <= 唔話妳知 90) 很硬頸 <= 遺傳 91) 仍在努力減肥中 <= 失敗o左 92) 曾經將我放在心裡 <= 而家都係 93) 每隔一段時間, 便需要有一個冷靜期 <= 暫時冇需要 94) 很難作出取捨 <= 唔明 95) 很喜歡與好朋友一齊玩樂 <= 係 96) 知道我愛他 <= 係 97) 不敢再許任何誠諾 <= 少o左，又唔係唔許 98) 喜歡不煩人不令人感到疲累的女人 <= 係 99) 喜歡用 MSN 和 ICQ 和 EMAIL 和電話 <= 我唔鍾意講電話o架 100) 他不再感受到我對他的愛。 <=我一直都感受到 多謝妳俾心機去寫呢稨【100 things about XexeX】，因為真係要好有心機先得，我諗到冇乜邊幾個會睇晒，何況寫，我自己都要用幾日時間先回得晒100樣。真係好多謝妳o架。 Posted 九月 18 2006, 01:12 上午 by XexeX with 7 comment(s)

• 愛，沒有不對

  如果愛一個人，不要太介意別人說話，不要去理會那些閒言閒語，也不要覺得自己下賤，維護到自己的愛，並不是丟面的事情。 對與錯，只係旁人對這段情的看法，愛一個人，並不存在對與錯，當然，這可能會帶來很大的壓力。 不要對那些為愛負出的人指指點點了，沒人想做第三者，沒人想搞師生戀，沒人想做被歧視的同性戀者。 想愛，便愛吧。 她反對就反對　亦都跟你愛下去 猶如在大戰炮火裡　毫無懼色衝過去 誰狂怒　誰攔路　誰話我共誰不登對 無能力與霸權比賽　還是可比她多老幾歲 二百年後再一起　應該不怕旁人不服氣 團圓或者晚了廿個十年　仍然未捨棄 換個時代再一起　等荊棘滿途全枯死 這戰事很悠長　亦決心等到你　等得起 先　殉了情不對　未反擊過已後退 寧憑著　耐性與骨氣　維持自尊撐過去 誰強韌　誰長壽　誰便算勝利擊不碎 仍然共你企在這裡　挨著當身邊指控死去 二百年後再一起　應該不怕旁人不服氣 誰人又可控訴廿個十年　仍然未捨棄 換個時代再一起　等荊棘滿途全枯死 這戰事很悠長　撐到尾 就算窮病或失憶　都爭口氣　從旁保護你 頑強地等再過廿個十年　當整個世界換風氣 力竭還是再一起　這種堅決無人可比 看戰事多悠長　亦決心打到尾　心不死 Posted 九月 13 2006, 07:14 下午 by XexeX with 1 comment(s)

• 聯合毒蛇93客機

  呢兩日睇o左兩套電影，不約而同都係講飛機。 第一套係聯合93，套戲都幾悶，講緊一個早上發生o既事，但就將好多唔同場地所發o既o野一次過俾觀眾睇，所以最尾個恐怖份子話仲有20分鐘先到目的地，但套戲過左30分鐘，甚至Ending時都飛唔倒去目的地。聯合93冇男主角，戲入面講果架飛機都唔係撞向世貿果兩架，講真，緊張就冇乜，但套戲可能講到俾觀眾聽，9.11當日發生o左D咩事，及美國人對9.11的感覺。 第二套戲就係毒蛇客機，可能識我o既人會覺得我唔會睇，因為剩係聽個名已經知係垃圾。但好多被人認為係垃圾o既片，其實都好好笑(e.g. 買凶拍人、誤人子弟、超時空要愛等等)。因為之前聽人講過話超好笑，咁o岩星期二又有平飛，所以去睇睇啦。講真，套片真係垃圾，睇完都唔覺有咩經典場面，但搞笑場面就多不勝數：小便俾蛇咬何B仔、條蛇搞到個肥婆好開心、跌氧氣罩跌埋條蛇落o黎，個FBI向前噴火燒蛇，但後面條蛇都跌埋落o黎(好似吞食天地打完打佬，D嘍囉會跟住死/逃走一樣)，總之笑足90分鐘。睇完戲同友人討論過，Flight Sim好似未出過PS或Xbox，唔通個肥仔玩o既係Ace Combat？，仲有，兩部機所出o既飛機Game，都冇乜邊幾隻需要人手Landing… 兩套戲都同Flight Sim有少少關系(傳聞D恐怖份子就係用Flight Sim o黎訓練)，搞到我都好想玩Flight Sim添。 你話如果將兩套戲D劇情Mix埋一齊會唔會刺激D呢。 Posted 九月 06 2006, 07:20 下午 by XexeX with no comments

• 早熟

  係唔係新界區o既人比較早熟？十二歲就要用成人車票？ 記得Form 1果年，一個人由上水搭火車返屋企，去售票處買飛，想要張小童車票，個售票員問我幾多歲，咁我就答佢剛剛夠12歲，點知佢就話12歲要買成人車票…我諗我當時對住佢O o左咀… 12歲，我未睇過成人雜誌，未睇個成人電影，未入個成人場o既電子遊戲機中心，未入過投注站，未買過既香煙，不過就第一次買成人車票。 12歲 = 成人？呢個咩世界？唔怪之得14歲就去影濕身寫真。 圖片來源：明報 Posted 九月 05 2006, 11:06 上午 by XexeX with 1 comment(s)

• Wedding

  因為老友結婚，星期六去o左做兄弟。今次班兄弟我之前一次都未見過，所以係完全冇夾過，就係咁，傻o下傻o下幫老走闖關娶新娘呀。 當日天氣都算幾熱，仲要著3件衫走o黎走去，都幾甘。一班人大清早就o向油塘出發，開車直往長康，沿途經過一般路，青衣好似冇乜點變，係多o左間酒店，諗番原來都好少日頭時間o黎青衣，10點前就更加一次都未試過。 可能因為時間唔夠，又可能班姊姊比較斯文，都冇乜玩我o地D兄弟，我都係做o下掌上壓咁啦，好彩平時有做開。接走o左新娘，之後就返油塘男家屋企，都成10年冇上過去呀，好彩佢o地屋企人都仲認得我o者。 去酒樓食完中午飯，兄弟就各自各返屋企。我就沖返個涼先，因為朝早實在太熱呀。 夜晚到酒店幫手Set場，其實我都冇乜o野可以幫手，之後Four Friend另外兩位成員都o黎o左，咁當然要4個人影o下相啦。太約9點鐘開席，因為成圍檯得幾個人識，開頭都幾悶，不過之後請o左個歌手到埋獻唱，唱到YMCA時就成班人High晒，出o左去台係咁跳，仲玩埋接龍添，可惜一開始就斷o左…唔緊要，駁得番，接完龍返番台上，我都幾個仲拋起新郎慶祝，都幾高呀，事後新郎話番俾我知好似整到條腰，好彩冇乜事o者 XD。 當日見到對新人都好開心，尤其跳舞果Part，我都好想上去跳，我好享受同鍾意o既人一齊跳舞，一首歌o既時間已經好滿足。我諗有機會o既，下次先啦。個婚宴搞得好好，冇失禮人，如果我都可以搞得咁成功就好呀，不過暫時未有本事，努力D啦。 喂，o岩o岩做o左老襯果個，記住要錫老婆呀，見到你地幸福我都好開心o架，祝你地白頭都老。 Posted 九月 04 2006, 11:15 下午 by XexeX with no comments