很耐之前已經想和Be去Camp了，不過渡假屋衛生環境一般都唔係咁好，所以Be好似唔多願意。不過唔緊要，唔住渡假屋，可以住酒店，見到長洲酒店掂緊優惠，所以就決定去一次長洲Camp呀。
~Day 1~
講真，我都係第一次住離島酒店，其實都幾適合兩個人去住，今次間房仲要對住個海，有無敵大海景。譁，如果我住緊果度都可以咁正就好呀。
今次最主要都係想同Be兩個人一齊，去o下海灘，游下水，BBQ，行o下離島，唔錯o架，兩個人BBQ都可以好好玩，仲食到好飽添。
夜晚去o左茶餐廳睇波捧英格蘭，好彩都負碌入到8強，睇完就返酒店休息。
~Day 2~
好鍾意一朝早就可以望住個海，陽光曬入o黎覺得好溫暖。
朝早我地對住個海享用酒店提供o既西式早餐，呢個係我最滿意o既地方，真係好好Feel，食物都算豐富，不過Be唔係咁滿意杯奶茶，咁緊要啦，仲有橙汁飲呀。
食完早餐，再落海灘游o左陣水，今朝D水好清，又少人，好似去o左外國咁。
游完水，返酒店Heao左陣就Check Out離開長洲呀。
經過今次，Be好似鍾意o左去Camp，放心啦Be，大把機會，我地下次再去過。