|
尋晚約o左晚舊同學出o黎打邊爐，之後仲去o左唱K添。我o地自從小學畢業之後，都有成15年冇見呀，講真，我真係唔係幾記得邊個打邊個。意外地連阿Sir都有出席。雖然我o個晚要返夜，成10點先收得工，原本都諗住去唔倒不過估唔倒佢地7點打邊爐，打倒10點幾都未走，咁就梗係去同佢地聚o下舊啦。唱K果陣講返大家畢業之後o既遭遇，大致上都冇乜特別，但我估唔到原來其中一個舊同學，意然經歷o左咁多o野。其實呢D o野唔係咁出奇，香港大把人有呢D經歷，不過當知道原來當時同我一同成長o既人都試過D咁o既經歷之後，真係覺得好震撼，亦都覺得好可惜。我會覺得佢唔係咁識諗，不過各人有各人o既道德觀，亦都可能係成長環境令到佢咁(我覺得呢個可能性好大)，希望佢o黎緊o既生活會好D啦，始終大個女，唔可以再咁落去呀。夜晚出街食完飯，返屋企途中，o向公園見到一班細路踢緊波，回想返以前我地仲係小學生o既情影，忽然間好餼虛，一轉眼，15年了。
|