都唔知邊鬼個諗埋D咁o既主意，無情情o向燒烤埋整個鐵板燒，搞倒而家有得戶外韓燒…

之前已經聽聞過郊野公園會有D新o既燒烤爐，無火果隻，不過諗唔倒實際見倒原來咁搞笑，不過都好，見識o下啦。

今日BBQ都唔錯，天氣幾好，又唔會太熱。我o地1:00 o向馬鞍山集合，買o野食買倒2:00，坐的士上到去都2:30，仲有3個鐘頭燒。不過，好彩唔使透爐，唔係可能3:00都未燒得。

由於我o地冇試過咁樣燒o野食，所以唔記得買油，唯有用牛油暫代啦，所以燒咩o野食都會有牛油味。

個爐只係租到5:30，之後我o地就傳返過去傳統燒烤爐度燒，老實講，都係傳統燒烤爐正D，慢慢燒，燒出o黎D o野食又好味D。唔經唔覺，燒到天都黑埋，睇唔倒D o野食生定熟，所以都係撤退啦。

大件事，冇的士肯上o黎！鬼咩，上o黎要$30蚊，落去又收得$30，邊有人肯上o黎o丫，所以唯有行落山。行o左30 Mins到新港城，再去間好Mini o既戲院睇埋Doom，套戲就麻麻地，遲D諗諗寫唔寫感想啦。

今日都幾好玩，唔錯，希望快D有下次啦。